Kaixo Mikel, lehenik eta behin zorionak zuen kudeaketagatik. Hemen bi iradokizun, ez dira kexak inondik inora: 1. Agerian dago kale garbiketa kudeatzeko modua aldatu zenetik, PUBLIKOArekin, herria garbiago dagoela. Hala ere, Oihanpea kalean dauden estalkietan (4 zenbakia uste dut hor dagoela), garbiketa sakon bat beharko litzatekeela entzun izan dut. 2. Bizikidetzaren harira, gustatuko litzaidake jakitea, zergatik furgoneta handiek edota kamioi txikiek (arrandegiek erabiltzen dituztenen modukoak) ez duten beste guneren batean, agian poligonoan, gauez aparkatzeko beharra. Izan ere, obrak direla eta, aparkalekuen kopurua asko murrizten da, eta hauek asko okupatzeaz gain, askotan maniobratzerako orduan ez diete turismoei aparkatzen uzten. Ez hori bakarrik, Esteban Armendariz inguruan behin baino gehiagotan, holako ibilgailuek, kotxeren bat kolpatu edota ispilua kendu egin dute. Motorrekin, esan, ez dudala ulertzen zergatik Udalak ahalbidetzen dituen motorrentzako guneak, baldin eta gero gidariek nahi duten tokian aparkatzen badute. Badakit hau ez dagoela zuen esku eta moto gidarien errua dela, baina jakin nahiko nuke zer gertatzen den baldin eta nik motorrak aparkatzeko gune horietan (beti hutsik daudenetan, Karrobide eta S.Frco Javier arteko iskinakoa bezala) nire kotxea hor uzten badut. Mila esker eta segi horrela! 2222 eta gehiago! I.G. (15/11/2016)

noviembre 17, 2016

Atzo bertan garbiketa sakon bat egin zen Oianpeako estalkietan.

Bigarren gairi buruz, ibligailu hauen zirkulazioa baimenduta dago eta edozein turismo bezala aparkatu dezakete, hori bai, oinezkoetako edo ibilgailuetako zirkulazioa galarazi gabe.Noizbait kasu hau gertatuko balitz, udaltzaingoari dei diezaioke egoera hori lehebailen konpon dadila.

Motoei dagokionez, ibilgailu hauetarako berezko lekuak prestatu dira, bainan toki hauetan aparkatzera behartu ezin diegu, espaloian egiten badute ezik.

Bukatzeko, aipatzen duzun izkinari dagokionez, motoek aparkatu ahal zezatela prestatu zen nahiz eta soilik horizontalki seinaleztatu. (17/11/2016)

Añadir a las redes sociales.

<< volver