Lehenik eta behin barkamenak eskatu nahi dizkizut erantzuten izan dudan atzerapenagatik. Gaian sartuta, aipatzen duzun kale hori Arreko Kontzejuak moldatu zuen. Haiek bazekiten Atarrabiako bizilagunek aldapa hori erabiltzen genuela aparkatzeko eta mesede handia egiten zigula; hori kontuan izanda obrari ekin zioten aparkalekuak nahita kenduz. Nire iritziz Arrek ez zuen oso modu onez jokatu. Dena dela, saiatuko gara beraiekin harremanetan jartzen ea lortzen dugun irtenbideren bat. Baina itxaropen handirik ez dudala aurreratzen dizut. Aparkatzeko bestelako alternatibak baloratzen ibili ginen udaltzainburuak eta nik neuk (Hirigoien kalea zentzu bakarrekoa jarri, espaloi eremua murriztu, etab.) eta lortzen genituen plazetarako eragozpen handiak ikusi genituen. Dena dela beste buelta ematen saiatuko gara, zuk planteatzen duzuna kontuan hartuz. Mila esker eta ongi izan.