Udalak etxebizitza arloko aholkularitza zerbitzu bat jarri du abian herriko bizilagunentzat. Zerbitzu berriak arreta emanen die norbanako eta familia guztiei etxebizitzarekin zerikusia duten gai orotan. Bulegoa udaletxean kokaturik dago, eta zabalik egonen da hil bakoitzeko azken ostiralean, 9:00etatik
13:00etara.

Aholkularitza zerbitzua irailaren 29an hasi, eta hainbat gairi buruzko kontsultei erantzunen die: etxebizitza alokairua, hipoteken kontratazioa, banku komisioak. Halaber, hipotekei buruzko lege azterlanak eginen ditu klausula abusiboak atzemateko; negoziazioak eginen ditu finantza-entitateekin, jendeak hipoteka ordaintzerik ez badu; edo saiatuko da aterabideak aurkitzen norbanako edo familia bakoitzaren egoera kontuan hartuta.

Herriko bizilagunek zerbitzu berri hau erabili ahal izango dute aurreko hitzordua 012 / 948 012 012 telefonoetan eskatuz.