Paz de Ziganda Helduen Abesbatzak XX. mendeko konpositoreen lan aukeratuak emanen ditu, estiloz arras ezberdinak. Izan ere, olerkietarako ondu diren melodia ederrak, nafar folklorean sustraitutako doinuak eta beste aunitz. Taldea 2010ean sortu zen, eta hasieratik Mari Paz Arizkun izan da zuzendaria. Ibilbide oparoa egin du azken urteotan, hala Nafarroan nola hemendik kanpo, eta kontzertu, ikuskizun eta lehiaketa aunitzetan parte hartu du, hala nola Atarrabiako “Koru Festa” ekimenean, 2016an lehen saria eskuratu baitzuen.