Teatro Paraíso.

Zuzendaritza: Tomás Fdez. Alonso
Dramaturgia: Rosa A. García
Interpreteak: Xabi Flamarique, Aritz Bengoa, Xabi Artieda

Gomendatutako adina: 4-10 urte

Mundua abentura handiak bizitzeko kutxa handi bat da. Gure bi protagonistena bezala. Kutxa batzuetan bizi badira ere, ametsezko lekuetara bidaiatzea imajinatzen dute, beren sormen harrigarriak bultzaturik. Jolasean bizi dira, zenbaitetan giro onean, bestetan ika-mikan, baina berradiskidetzen dira beti; hau da, adiskideak dira. Behin batean, ordea, hirugarren pertsonaia bat agertuko da, kutxa-lapurra, eta hark bien arteko adiskidantza jarriko du proban. Istorio dibertigarri honek erakusten digu nola itzuli, elkarrekin, zoriontsu izan ginen lekura. Bartolomeus eta Komino ohartuko dira dena lapurtu dietela, gauzarik baliotsuena izan ezik: bien arteko adiskidantza eta irudimena.