Foru Komunitateko 36 udalerrik bat egin dute Nafarroako Gobernuaren Ingurumen kanpainarekin. Kanpaina horren helburua da herritarrak sentsibilizatzea ura aurrezteko eta etxean arduraz erabiltzeko beharraz, ingurumenari eta osasunari lotutako arrazoiengatik.

Helburu horrekin, eta asmo hori modu grafiko eta hurbilean erakusten duen lekukotza gisa, Atarrabiako Udalak 4 minutuko hareazko 4.000 erloju txiki banatuko ditu bizilagunen artean datozen asteetan, etxean dutxa baten iraupena kontrolatzeko. Hori da Osasunaren Mundu Erakundeak (OME) egoki jotzen duen eta larruazalaren higiene- eta osasungarritasun-irizpideen arabera gomendatzen duen gehienezko ur-denbora.

Dutxak 4 minutura mugatzeko ekimena Nafarroako Gobernuko Ingurumen Zuzendaritza Nagusiak Nasuvinsa sozietate publikoaren bitartez sustatzen duen Klimarako eta Energiarako Alkatetzen Itunaren barruan kokatzen da, klima-aldaketara egokitzeko LIFE NaAPTA proiektu europarraren esparruan.