Analisirako eta hausnarketarako segurtasun-espazio bat sortzea proposatzen da, ingurune enpatiko bat, non emakumeak babestuak eta ulertuak senti daitezkeen, laguntza jasoz eta ingurune abegikor batean.

Helburua emakumeen osasun mentalean eragin positiboa izatea da.

Espazio malgu bat izango da, parte-hartzaileen behar eta bizipenetatik abiatuta sortutako proposamenak hartu eta taxutzea ahalbidetuko duena, banaka zein taldeka bata bestearengandik partekatu eta ikasteko.

Espazio horrek aukera emango du norberaren eta harremanen jokaleku berriak birplanteatzeko, birpentsatzeko eta berregituratzeko. Autoezagutza, hazkundea eta garapen pertsonala areagotzeko nahiak eragindako prozesu bati ekitea, dela une zail bat gainditzeko (gure bizitzako historiak zeharkatzen dituzten horietakoa), dela aldaketarako helburuak zehazteko eta arazoak gainditzeko lan egiteko. Erantzunak bilatzea, baina, batez ere, termino positiboagoetan, askeagoetan eta, batez ere, sare pertsonalak sortuz esploratzea eta berreraikitzea ahalbidetuko duten galderak egitea.

Espazio terapeutikoa sormen-espazio bihurtzen da, irudimenezkoa, batzuetan ludikoa, aukera desberdinak aztertzeko.

Tailerrak 12 saio izango ditu, hilean bitan. Oraingoz, sei saio zehaztu ditugu. Hurrengoak taldeak finkatuko ditu tailerra hasi ondoren, konfiantza- eta segurtasun-eremu bat sortzeko eta kide izatearen zentzuan eragiteko.

Egunak:

• Apirilak 11, 25
• Maiatzak 9, 23
• Ekainak 6, 20

Ordutegia: ostiraletan, 16:00etatik 18:00etara.
Lekua: Atarrabiako Kultur Etxea
Prezioa: 25 €erroldatuak, 40 €erroldatu gabeak
Dinamizatzailea: Ana Beaumont, psikologo sistemikoa