Ayuntamiento de Villava / Atarrabiako Udala

Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.
2022ko martxoak 18

Udaleko Kultura Zerbitzuak hiriko gaien bildumaren ale berri bat argitaratu du: Fidel Aizpuruaren “EN BLANCO Y NEGRO. Lectura de algunas fotografías de Zacarías Ecay”

Liburua 4 euroren truke eros daiteke Kultur Etxean

Foto noticia

Zacarias Ecay Munárriz (1906-1967), ogibidez arotza, argazkigintzaren autodidakta sutsua izan zen, berak erakusten zituen argazkiak etxeko sukaldean. Urte askoan herriko argazkilari bakarra izan zen, eta hiltzean 13.000 negatibo baino gehiagoko artxiboa utzi zuen, joan den mendeko 40, 50 eta 60ko hamarkadetako Atarrabiaren testigantza bikaina. Zacarias Ecayk herriaren bilakaera soziala islatzen du gerraosteko urte zailetan, bere ehunka argazkien bidez auzoaren bizitza ia alderdi guztietan ezagut daiteke.

Fidel Aizpuruak ehun eta hamahiru argazki aurkezten dizkigu, bakoitza irudiak irakurtzen erakusten digun testu oroigarri batez lagunduta. Atzoko zerbait gaurko pertsona baten begiekin irakurtzen saiatzen da.

Liburua sarrera batean eta sei kapitulutan egituratuta dago: lehen kapituluak Lekuetako 16 argazki erakusten dizkigu, bigarrenak Talde eta erretratuen 38 argazki, hirugarrenak Familien 12 argazki, laugarrenak 10 Ekitaldien argazki, bosgarrenak Jaietako 26 argazki eta seigarrenak Kiroletako 9 argazki.

Egilea, Fidel Aizpurúa Donazar, Atarrabiako Kaputxinoa da (1947). Teologian eta Literatura Hebrearrean hezia Lovainako Unibertsitatean (Belgika), Bibliako espiritualtasuna, frantziskotartasuna eta zenbait literatur lan argitaratu ditu (David, el rey; El otro cantar; etab.).

Deja un comentario



This site uses Akismet to reduce spam. Learn how your comment data is processed.