Herritarrek irailaren 3tik 15era erabakiko dute aurtengo txupinazoa nork botako duen. Beraz, Udalak epe hori ezarri du, jendeak botoa eman dezan. Guztira, hiru hautagai dira, hirurak ere Jai Batzordeak hasierako hautagai guztien artean  aukeratuak.

Hau guztia dela eta, Atarrabiako Udalak hala nahi duten Atarrabian erroldaturiko pertsona guztiek bozka emateko sistema bat prestatu du.

• Udaletxera joanda (08:30etatik 14:30etara Herritarrak Hartzeko Bulegoan eta 18etatik 21etara Kultur Etxean).

• Telefono bidez 012aren bitartez, astelehenetik ostiralera 08:00etatik 18:00etara.

• Udalaren web orrian (hemen ziztatu).

Atarrabiar bakoitzak bozka bakarra emateko aukera izanen du eta bozkatzeko orduan NANaren edota antzeko egiaztagiriren baten berri eman beharko du.

1. ATARRABIAKO TXISTULARIAK	2. UDALAREN OBRA/MANTENTZE ZERBITZUA	3. BATERAKO HAUTAGAITZA: ATARRABIAKO TXISTULARIAK ETA MIKELATS DANTZA TALDEA