Zuzendaria: Ekhi Ocaña

Eszenatokia irrati-estudio bihurtuko da San Andrés Abesbatzaren udaberriko kontzerturako. Fernando Eugui eta Amagoia Maia aktore atarrabiarrak, irratsaio bat aurkezteaz gain, abesbatzako zuzendari Ekhi Ocañarekin mintzatuko dira zuzenean, partitura bakoitzaren atzean zer dagoen azaltzeko. Iosu Larumbe piano-jotzaileak, hari-laukote batek eta María Echeverríaren ahotsak lagundurik, San Andrés abesbatzak proposatuko digun bidaiak hainbat osagai izanen ditu, hala nola zartzuelaren pikareska, gure herri sustraiak, bai eta Beatles, Mecano edo ABBA taldeen popa ere. “Betiko musikaz” gozatzeko moduko arratsaldea izanen da. Sintonizatu gurekin Kultur Etxean!