Udal Erregistroan izena eman duten entitateak

Erakundeen udal erregistroaren erregelamendua (29. ALDIZKARIA – 2011ko otsailaren 11a)

Zertarako eman izena erakundeen Erregistroan?

Erakundeen Udal Erregistroan izena ematea nahitaezkoa izanen da Atarrabiako erakundeek euren interesak defendatu ahal izateko eskubidea izan dezaten. Beste batzuen artean, ondoko eskubideak izanen dituzte: laguntzak jasotzea, udalaren baliabide publikoak erabiltzea, herritarren parte-hartzea bideratzea arlokako kontseiluetan edota organo kide anitzekoetan, etab.

Aipatu erregistroa medio Udalak hainbat daturen berri izanen du; hala nola, herrian dagoen irabazi asmorik gabeko elkarte eta talde kopurua, hauen helburuak, duten ordezkaritza; eta halaber, Udalak elkartegintza sustatzeko aukera izanen du.

Nork eman ahal du izena Erregistroan?

Irabazi asmorik gabeko herritarren elkarte eta talde orok, herriaren interes orokorren edota arlokakoen defentsa, sustapena edota hobetzea helburu dutenak. Halaber, ikasleen gurasoenak, kultur erakundeak, kirol arlokoak, jolas arlokoak, gazteenak edota Atarrabia mailan lanean dihardutenak ere inskribatu ahalko dira.

Elkarteek Nafarroako Gobernuaren Erakundeen Erregistro Orokorrean izena emana egon beharko dute aurretik, eta pertsona juridikoak diren heinean, euren IFKren (Identifikazio Fiskalerako Kodea) jabe izanen dira, Foru Ogasunak luzatuko duena. Herritarren taldeekeuren aldetik, euren izate eta antolaketa berezia kontuan hartuta, Erakundeen Udal erregistroan izena ematen duten egunetik hasita lau hilabeteko trantsizio epea izanen dute, elkarte moduan eratu, Nafarroako Gobernuaren Erakundeen Erregistro Orokorrean inskribatu eta euren IFK eskuratzeko.

Non eta noiz egin daiteke eskabidea?

Atarrabiako Udaleko Herritarrak hartzeko Bulegoan (kale Nagusia 22). Astelehenetik ostiralera, 08:30etatk 14:30etara.

Aurkeztu beharreko agiriak

• Elkarteak

Eskabide orria

Honi erantsi beharrekoak:

1. Nafarroako Gobernuaren Erakundeen Erregistro Orokorreko inskripzio zenbakia

2. Sorrera-akta eta estatutuak edota indarrean dauden funtzionamendu arauak

3. Akta edota ziurtagiria, Zuzendaritza Batzordeko kideen nortasuna egiaztatzen duena, eta halaber, hauen helbideak eta harremanetarako telefonoak.

4. Helbide soziala eta kasua bada egoitza edota egoitza sozialak.

5. Identifikazio Fiskalerako Kodea, IFK

6. Ziurtagiria, inskribatzea egiten den unean elkarteak dituen inskribaturiko pertsonen kopuruarena (datuak sexuaren eta adin-talde zabalen arabera bananduak)

7. Urteko aktibitateen Programa edo memoria

8. Elkartearen urteko aurrekontua

9. Inskripzio eskabidea egiten duen pertsonaren NANaren fotokopia

• Taldeak

Eskabide orria

Honi erantsi beharrekoak:

1. Akta edota ziurtagiria, Zuzendaritza Batzordeko kideen nortasuna egiaztatzen duena, eta halaber, hauen helbideak eta harremanetarako telefonoak.

2. Helbide soziala eta kasua bada egoitza edota egoitza sozialak.

3. Urteko aktibitateen Programa edota memoria

4. Taldearen urteko aurrekontua

5. Ziurtagiria inskribatzea egiten den unean elkarteak dituen inskribaturiko pertsonen kopuruarena (datuak sexuaren eta adin-talde zabalen arabera bananduak)

6. Taldearen helburuen, aktibitateen eta xedeen aitorpena.

7. Inskripzio eskabidea egiten duen pertsonaren NANaren fotokopia.