Deialdi honen helburua da 2018. urtean Atarrabiako udal esparruan eginen diren kultur proiektu eta ekintzetarako emanen diren diru-laguntzak arautzea, eskaintza kultural kalitatezkoa, anitza eta herritarrentzako interesekoa laguntzeko eta herriaren garapen kulturalean elkarteen parte-hartzea sustatzeko xedearekin, herriko elkarte eta erakunde kulturalekin elkarlana eta laguntza bultzatuz.

Deialdiaren oinarriak

Deialdi honetako onuradunek ondoko betebeharrak bete beharko dituzte:

a)     Irabazi asmorik gabeko Elkartea izatea.

b)     2017ko urtarrilaren 1a baino lehen legez eratuta egotea eta Atarrabiako Udaleko Erakundeen Erregistroan izena emana edukitzea.

c)      Egoitza soziala eta fiskala Atarrabian edukitzea.

Diru-laguntzen gaineko azaroaren 9ko 11/2005 Foru Legearen 13 artikuluko 2. eta 3. azpiataletan ezartzen diren baldintzetakoren bat betetzen duten taldeek ezin aurkeztu dira deialdi honetara.

Eskaerak aurkezteko epea 2018ko otsailaren 16an, 14:00etan, amaitzen da.

Eskaerak Atarrabiako Udaleko Herritarrak Hartzeko Bulegoko Erregistroan aurkeztuko dira (Kale Nagusia, 22).

Eskaera

Programa