Itsas Salbamendu Humanitarioa Elkartea.

Dokumentalak erdialdeko Mediterraneoan zehar Europan sartu nahi duten migranteen itsas bidaia latza erakusteaz gain, Itsas Salbamendu Humanitarioa GKEren sorrera kontatzen du eta, era berean, zer-nolako prozesua bizi izan zuen Stela Maris arrantzontziak Aita Mari erreskateko itsasontzia izan arte. Hori jende askok auzolanean egindako lanari eta euskal erakundeen laguntzari esker lortu zen. Dokumentalak, izan ere, erakusten du gizarte zibilak duen indarra mundua eraldatzeko eta mundu hobea eraikitzeko. Emanaldiaren ondotik solasaldia izanen da.