Martxoaren 3tik 20ra, Kultur Etxean, “Beldurrarekin hazi” izeneko marrazkien erakusketa egongo da ikusgai. Haurrak genero-indarkeriaren aurrean. Erakusketa hau Udaleko Berdintasun Arloak antolatu du, Emakumeentzako Tratu Txarrak Ikertzeko Batzordearekin lankidetzan, eta erakunde horrek bere Esku-hartze Psikosozialeko Eredua aplikatzeko saioetan artatutako adingabeek egindako marrazkiak aurkezten ditu.
Esku-hartzeko proiektu hau familia-eremuan genero-indarkeria dagoenean biktima ere diren adingabeei arreta emateko beharretik sortzen da. Eta erakusketa honetan biltzen diren marrazkiek adierazpen-indar handia dute, eta gai dira horrelako giro batean bizitzeak edo indarkeria hori lehen pertsonan pairatzeak beraientzat dakartzan ondorioak ondo transmititzeko. Erakusketa Kultur Etxeko ohiko ordutegian ikus daiteke.