Misioetako musika barrokoa eta Boliviako Amazoniako dantza tradizionalak.

San Ignacio de Moxosko Goi-mailako Musika Institutuko Ensemble Moxos taldea Boliviako indigenen arte adierazpen nagusietako bat da gaur egun, adierazpen kultur anitza eta etnia anitza, betiere. Ikuskizunak mestizaiaz beterik daude; batetik, misiolari jesuitek koloniaren garaian Europatik eramandako musika, eta bestetik, bertako adierazpenak. Ikusleak liluraturik ateratzen dira, saioetan ederki uztartzen baitira musika, kantua, dantza eta antzezpenak.