Interpreteak: Aitor Olaetxea (baxua); Koldo Velasco, Borja Colomina (gitarra); Edu Martinez (ahotsa); Mikel Oteiza (bateria); Maitane Uranga (koruak)
Soinu teknikaria: Meri Jimeno

Pozik esan nahiko genuke Yabalia Rock Taldea sortu zela proiekzio handiko musikari gazte talde baten topaketatik. Ez da horrela, ordea. Taldea joan den hamarkadaren erdian sortu zen Atarrabian, eta ikastolako guraso batzuen topaketa informalaren fruitua da, hantxe elkartzen baitziren beren instrumentuak gaizki tratatzeko eta beste talde batzuen kantuak egokitzeko. Gero, denborarekin, eta taldea gutxi gorabehera egonkortu zenean, bertsioen lehen kontzertuak iritsi ziren lagun eta senideen aurrean, bai eta handik igarotzen zen despistaturen baten aurrean ere. Eta geroago, abesti originalak iritsi ziren, guztiak ere Aitor baxu-jotzaileak onduak, behar bezalako inspirazioa baitu gure lehen lana, “Hil Arte Bizi”, osatzen duten gai guztiak konposatzeko.