Trokolo Teatro.

Idazlea eta ilustratzailea: Iban Barrenetxea
Zuzendaritza: Isabel Aisa Sola
Interpreteak: Ramón Marco, Sergio de Andrés

Publikoa: 3-10 urte
Saioak: apirilak 17 (euskara), apirilak 18 (gaztelania)

Iban Barrenetxearen ipuinaren egokitzapena. Behin batean, bazen Firmin izeneko zurgin fin eta delikatua. Berak egindako mahaiak ez zeuden sekula koloka; eta dantza eta kanta egiteko gai ziren automata eta jostailuak egiten zituen. Behin batean, oso eskaera berezia jaso zuen, oso bezero berezi batek egina: Von Bombus Baroiak, hain zuzen. Firminek zerratu zuen, iltzatu, lixatu… eta enkargua garaiz bukatu zuen. Baroia poz-pozik gelditu zenez, bezero xelebre horrek askoz ere enkargu gehiago egin zizkion. Istorio ederraren dotoreziak, umoreak eta ironiak ikuslea liluratuko dute.