Larunbat honetan, uztailaren 25ean, Atarrabian izango da berriro ere La Indurain, Miguel Indurain omentzen duen martxa zikloturista. Proba honek milaka txirrindularitza zale biltzen ditu urtero.

Martxa zikloturista hau dela eta, beharrezkoa izango da trafiko-mozketa eta -murrizketa batzuk egitea, parte-hartzaileen eta bertaratutakoen segurtasuna bermatzeko.

Trafiko murrizketak Kale Nagusian (La Cadena eta Irigoien artean)

Jende asko bilduko denez, kale Nagusia itxita egongo da La Cadena-ko bidegurutzearen eta Irigoien kaleen artean, ordutegi hauetan:

• 7:00etatik 8:15era.
• 10:00etatik 18:00etara.

Inguru horretan bizi diren bizilagunei eskatzen zaie, ordutegi-tarte horretan ibilgailua erabili behar badute, autoa garajetik atera dezatela trafiko-mozketak hasi aurretik.

Garajeetara sartzea, probak eragina duen gainerako eremuetan

Kale Nagusiko gainerako tartean (Arreko Trinitateraino), eat baita Irigoien kalean eta Pedro Atarrabia kalean ere, garajeetarako sarbidea baimenduta egongo da egun osoan zehar, baldin eta proba igarotzeak eta segurtasun-arrazoiengatik zirkulazioa aldi baterako etetea eskatzen duen momentu jakin batzuetan izan ezik.

Garajeen irteera uneoro bermatuta egongo da, baina irteera, nahitaez, Arrerako norabidean egin beharko da.

Herritarren laguntza eskertzen dugu, eta halaber, neurri hauek sortu ahal dituzten eragozpenen aurrean euren ulermena eskatzen.