Trafikoaren berrantolaketa honen helburua da, Atarrabiako udalaren ekintza planei jarraiki, trafikoa murriztea (10.000 ibilgailu igarotzen dira egunean) 4 ikastetxe eta herriko kirol eremu bat dituen herri-gunean.

Ezkaba kaletik Bidaburuako biribilgunerako sartzeko baimena ondokoek baino ez dute izanen:

• Atarrabian erroldaturiko ibilgailuek
• Garraio publikoko eta hondakin bilketakoek
• Larrialdietako eta baimen bereziak dituzten ibilgailuek
• Txirrindulak

Biribilgunera sartu ahal izango dira, halaber:

1. Rentingeko ibilgailuak: Udalerrian erroldatutako edozein pertsonak, baldin eta bere izenean renting ibilgailu bat badu eta dagokion kontratuaren bidez frogatzen badu, zirkulatzeko baimena du eta erregistroan alta ematen zaio.

2. Enpresako ibilgailuak: Udalerrian erroldatuta dauden pertsonek, baldin eta enpresako ibilgailu bat erabili ohi badute, enpresaren ziurtagiria aurkeztu eta errolda egiaztatu ondoren, ibilgailua baimendu eta erregistratu egiten zaie.

Hori dela eta, biribilgunera sartzeko kontrola kamera bidez eginen da.

Egokitze tarte bat izanen da. Denbora tarte horretan, soilik arau-hausteen berri emanen zaie arau-hausleei. Egokitze prozesua igarota isunak jartzeari ekingo zaio.