Abuztuaren 23tik 28ra, Atarrabia soinu-sorkuntzako laborategi bizia izango da. AtarraSoinu musika esperimentala, ikerketa artistiko garaikidea eta lurraldea biltzen dituen proposamen paregabea da, paisaia, euskal tradizioa eta gure ingurunea entzuteko modu berriak aztertuz.

XIII. Festival After Cage 2026 jaialdiaren aurrealdean (Before Cage izenekoan) kokatutako ekitaldiak ohiko kontzertuaren logika gainditzen du. Atarrabiako hiru gune enblematiko — San Andres errota, Batana eta Kultur Etxea — bitartekaritza artistikoko leku bihurtzen dira, non herritarrek, konpositoreek eta interpreteek zentzumen-bidaia bera egiten duten.

Atarra Soinu ekitaldiak sorkuntza garaikidearen eta lurralde-identitatearen arteko topaketa sakona proposatzen du, Juan José Eslava Nafarroako Goi Mailako Musika Kontserbatorioko Konposizio Katedradunaren zuzendaritza artistikoarekin eta Javier Torres Maldonado kolaboratzaile nagusiarekin, Milango Giuseppe Verdi Kontserbatorioko Konposizio Katedraduna.

Bost eguneko iraupenean, bertako eta nazioarteko artistek soinu-ikerketan lan egingo dute espazio irekietan, hala nola San Andres Errotan, Atarrabiako Batanean eta Kultur Etxearen ondoko lorategietan. Bitartean, hainbat jarduera publikok natura, arkitektura, tradizioa eta inprobisazioa esperientzia musikal erabat berri bihur daitezkeela deskubritzera gonbidatzen dute.

EGITARAU OSOA

• Abuztuak 23, igandea · 19:00etan, Uraren Walk, Atarrabiako San Andres errota
• Abuztuak 25, asteartea · 17:00etan, Irrintzi eta Txalaparta, Atarrabiako Kultur Etxean
• Abuztuak 25, asteartea · 19:00etan, Argia eta Tinbrea, Atarrabiako Kultur Etxean
• Abuztuaren 26an, asteazkena · 20:00etan, Artquitecturas Jardines, Atarrabiako Kultur Etxea
• Abuztuaren 27an, osteguna · 18:00etan, Compost-Acción, Atarrabiako Kultur Etxean
• Abuztuaren 28an, ostirala · 19:00etan, AtarraSoinu Topaketak. Estreinaldien kontzertua, Atarrabiako Kultur Etxean
• Abuztuaren 29an, larunbata 19:00etan, Amaiera kontzertua, Pinaquy aretoan (Iruña). XIII. After Cage jaialdia