Atarrabiako Udalak, Euskara Zerbitzuaren bidez, euskara hutsezko udalekuetan parte hartzea diruz lagunduko du.

Deialdiaren oinarriak

Honako baldintza hauek betetzen dituzten pertsonek eskatu ahalko dute diru-laguntza:

• Lehen Hezkuntza edo DBHko ikaslea izatea.
• D ereduko ikaslea izatea (ikastetxe publikoan edo ikastolan euskaraz ikasten dutenak)
• Atarrabian edo Ezkabarten erroldatua egotea udalekuak irauten duen bitartean eta diru-laguntza eskatu eta ebazten den bitartean.

Eskabideak irailaren 14tik urriaren 2ra bitarte aurkeztuko dira telematikoki, erregistro elektronikoaren bidez, edo aurrez aurre, Atarrabiako Udalaren Erregistro Orokorrean, instantzia sinatuan.

Eskabidearekin batera ondoren aipatzen diren agiriak eta informazioa aurkeztu beharko da:

• Eskatzailearen edo legez ordezkatzen duen aita/ama/tutorearen NAren fotokopia.
• Adinez txikia eskolatua dagoen ikastetxearen eskolatze-agiria, non ikastetxearen izena eta hizkuntza eredua zein den agertzen diren.
• Udalekua antolatzen duen entitateak izenpeturiko dokumentua, non hari buruzko baldintzak –euskarari emandako tratamendua eta helburu linguistikoak, iraupen datak, jardueren egitaraua edo liburuxka- eta asistentzia egiaztagiria azaldu behar diren.
• Udalekuaren matrikularen ordainagiria (banketxeak egindakoa) non kostuaren %100 ordainduta agertuko den.
• Diru-laguntza jasotzeko nahi den banku-libretaren lehen orriaren fotokopia (IBAN zenbakia).