2025eko irailetik 2026ko irailera bitartean egindako ikastaro estentsiboak, trinkoak edo barnetegiak diruz lagunduko dira. Autoikaskuntzako ikastaroen edo klase partikularren kasuan, Udalak eskaeren bideragarritasuna aztertuko du, kasu bakoitzaren eta aurrekontu-partidaren arabera.

Deialdiaren oinarriak

Euskara ikasteko laguntza eskatu ahal izango dute baldintza hauek betetzen dituzten pertsonek:

a) 16 urtetik gorakoak izatea.
b) Atarrabian erroldatuta egotea (ikastaroa amaitzen den egunean erroldatuta jarraitu beharko du diru-laguntza jaso ahal izateko).

Deialdi honetan ezin izango dute parte hartu administrazio publikoren bateko langileak izanik berariazko euskalduntze-planetan sartuta dauden Atarrabiako langileek.

Honako dokumentazio hau eskatzen da:

• Eskabide orokorra bete (eredua deskargatu)
• Ikastaroa antolatzen duen erakundearen ziurtagiria. Bertan, ikastaroaren baldintzak zehaztuko dira: iraupen-datak, maila, ordu kopurua, bertaratzea eta ikastaroaren kostua.
• Matrikularen ordainagiria (banketxeak emana), matrikularen % 100 ordainduta duela.
• Nafarroako Gobernuak ematen dituen laguntzetan eskabidea aurkeztu izanaren agiria.
• Dirulaguntza sartu nahi den banku-libretaren lehen orriaren fotokopia.