Urrats hauek egin behar dira:

Ziurtagiria eskatzea

FNMTren jarraibideak bete behar dira. Datu pertsonal batzuk sartu behar dira, eta, amaitzean, ziurtagiriari lotutako eskaera-kode bat lortzen da.

Nortasuna egiaztatzea

Aurreko urratsean lortutako eskaera-kodearekin eta dagokion identifikazioarekin, Atarrabiako udaletxean aurkeztu behar da, nortasuna aurrez aurre egiaztatzeko eta eskaera osatzeko.

Ziurtagiria lortu/deskargatu

Behin erregistro-bulegoan (Atarrabiako Udala) nortasuna egiaztatuta, ziurtagiria FNMTren webgunetik deskarga daiteke, “Ziurtagiria deskargatu” atalean sartuta, dagokion motan: pertsona fisikoa.

IFZ edo AIZ eta lehen urratsean lortutako eskabide-kodea behar dira. Kontuan izan behar da eskaera eta ziurtagiriaren lorpena ordenagailu beretik eta erabiltzaile berarekin egin behar direla.

Urrats honetan automatikoki instalatzen da ziurtagiri digitala ordenagailuan (nabigatzailean ziurtagiririk badagoen egiaztatzea gomendatzen da).

FNMTren orrialdeak berak gomendatzen die software-ziurtagiri bat instalatu dutenei ziurtagiriaren eta dagokion gako pribatuaren segurtasun-kopia bat egitea. Horrela, beste nabigatzaile eta ekipo batzuetan instala daiteke, eta hasieran instalatutako ordenagailuarekin arazorik izanez gero, gordeta eduki. Informazio gehiago FNMTren webgunean.